မဟာသင်္ကြန်ကျချိန်
ဇေယျတုသက္ကရာဇ် ၁၃၇၇ ခုနှစ် နှောင်းတန်ခူးလဆန်း၆ရက်၊ခရစ်နှစ် ၂၀၁၆ခုနှစ် ဧပြီလ၁၃ရက် ဗုဒ္ဓဟူး နေ့ မြန်မာစံတော်ချိန် ည စက်၁၀း၄၃း၅၂
မဟာသင်္ကြန်အကြတ်နေ့
ဇေယျတုသက္ကရာဇ် ၁၃၇၇ ခုနှစ် နှောင်း တန်ခူးလဆန်း ၇ရက်၊ခရစ်နှစ် ၂၀၁၆ ခုနှစ် ဧပြီလ၁၄ရက် ကြာသာပတေးနေ့၊ဇေယျတုသက္ကရာဇ် ၁၃၇၇ ခုနှစ် နှောင်းတန်ခူးလဆန်း ၈ ရက် ၊ခရစ်နှစ် ၂၀၁၆ ဧပြီလ၁၅ရက်သောကြာနေ့ (မဟာသင်္ကြန်အကြတ် ၂ရက်ဖြစ်ပါသည်)
မဟာသင်္ကြန်တက်ချိန်
ဇေယျတုသက္ကရာဇ် ၁၃၇၇ ခုနှစ် နှောင်းတန် ခူးလဆန်း ၉ ရက်၊
ခရစ်နှစ်၂၀၁၆ ဧပြီလ၁၆ ရက်နေ့ စနေနေ့ မြန်မာစံတော်ချိန် နံက်စက် ၂း၄၈း၃၄ မဟာသင်္ကြန်တက်ချိန် ဖြစ်လေသည်။
နှစ်ဆန်း၁ရက်နေ့ ဇေယျတုသက္ကရာဇ် ၁၃၇၈ ခုနှစ် တန်ခူးလဆန်း ၁၀ရက် ခရစ်နှစ် ၂၀၁၆ ဧပြီလ ၁၇ ရက်နေ့ တနင်္ဂနွေနေ့။
မဟာသင်္ကြန်စာ
===========
ဘာနုရာဇာမည်သော တနင်္ဂနွေဂြိုလ်မင်းသည် တပေါင်းလဖြစ်သည့် မိန်ရာသီ ရေဝတီနက္ခတ် စတုတ္တပါဒ်အဝ သာန်နဝင်းမှ တန်ခူးဖြစ်သည့်မိဿရာသီ အာသာဝတီနက္ခတ်ပထမပါဒ် အာဒိနဝင်းထက် တွက်စစ်ကောဇာ ၁၃၇၇ခုနှစ် နှောင်းတန်ခူးလဆန်း ၆ ရက် ၊ခရစ် ၂၀၁၆ခုနှစ် ဧပြီလ၁၃က် ဗုဒ္ဓဟူးနေ့ မြန်မာစံတော်ချိန်စက် ည ၁၀း၄၃း၅၂ မြန်မာဗဟုရ် ညတစ်ချက်တီးကျော် ၄နာရီ ပါဒ်ပြည့်ဝဗီဇနာ ၂၄ခရာ ၂၄ဝိခရာ ဗြိစ္ဆာရာသီလဂ် မေထုန်ရာသီစန်း ၁နွေဟောရတ် ၂င်္လာတြင်း ၅တေးနဝင်း၊၆ကြာဒွာဒသင်း ၃င်္ဂါတိံသင်း၊လက္စီး နက္ခတ် ၁၇လုးံ ၃ပါဒ် ၈ဃဋီ၊၂၆ ဝိဃဋီ ထက်လက္စီးလျှက် ၁၆၀ အံသာ ၃၁လိတ္တာ ဟဿတနက္ခတ်မွန်းတည့်မတ်ပြီး၊ဝါနိဇ္ဇက ရိုဏ်းနှင့်ယှဉ်လျှက် ဘာနုရာဇာအမည်ရသည့် တနင်္ဂနွေဂြိုလ် မင်းသည် ပြည်ပန်းညိုပွင့်အဆင်းနှင့်တူသော အဝတ်တန်ဆာကိုဝတ်ဆင်လျှက် ကျွဲရဲကိုစီး၍ လက်တစ်ဖက်ကားပန်းခက်ကိုကိုင်၍၊ကျန်လက်တစ်ဖက်ကား ရေချမ်းအိုးကိုပွေ့ပိုက်ကာ အရှေ့အရပ်မှ တောင်အရပ်သို့ ထက်ဝယ်ဖွဲ့ကာဝင်လေဧ၊် ဃောရဿဒေဝီနတ်သမီးသည် အလှည့်စေ၍ ပရမီသွာနတ်မင်းဧ၊်သား၊အာသီအမည်ရှိသော ဗြဟ္မာမင်းဧ၊် ဦးခေါင်းကို ကမ်းသည်ရှိသော် မဟောရကာဒေဝီနတ်သမီးသည် ငိုယိုကာ လှမ်းလင့်ဧ၊်၊ပြောက္ကာဒေဝီနတ်သမီးကား အဝါ အပြာ အနီအဖြူအစိမ်း၊အဆင်းငါးပါးပြည့်စုံသော အဝတ်တန်ဆာကို ဝတ်ဆင်လျှက်၊သင်္ကြန်မင်းကိုစောင့်လင့်ဧ၊်၊ နှစ်အမည်ကား ကြတ္တိကာနှစ်၊နှစ်ကို မျောက်စောင့်ဧ၊်၊လကိုခွေးစောင့်ဧ၊်၊ရက်ကိုကြောင်စောင့်ဧ၊်၊ မြေကိုဘုမ္မစိုးစောင့်ဧ၊်၊ကောင်းကင်ကို သက္ကသီရိဘီလူးစောင့်ဧ၊် ရေကိုငါးစောင့်ဧ၊် မိုးကိုကြက်စောင့်ဧ၊်၊တောကိုကြွက်စောင့်ဧ၊် လူတို့ဧ၊် အဓပတိကား မင်း၊အခြေလေးချေင်းဧ၊်အဓိပတိကား မျောက်၊ငှက်တို့ဧ၊် အဓိပတိကား နှံပြည်စုပ်၊သစ်ပင်တို့အဓိပတိကားတောင်ပန္နဲ၊ဝါးတို့ဧ၊် အဓိပတိကားသိုက်ဝါး မြက်တို့ဧ၊်အဓိပတိကားမြက်ခါး၊နက္ခတ်၁၀လုးံငုတ်ဧ၊်၊၁၁လုးံ ပေါ်ဧ၊်၊မိုးဦးမိုးလယ်ကောင်းပြီး မိုးနှောင်းမိုးနည်းမည်။ မိုးရွာလျှင်ကွက်ကြားမဟုပ်မူ၍ မိုးထက်ရပ်ဝန်းကျင် အညီ ရွာမည်။မိုးရွာရက်ရှည်ကြာမည်။လေပြင်းမုန်တိုင်းမကြာခန ဖြစ်မည်။ကောက်ပဲသီးနှံဈေးကောင်းမည်။သစ်သီးပန်းမာန် အောင်မြင်ဖြစ်ထွန်းမည်။လူတို့ဝပြောချမ်းသာမည်ဖြစ်သော်လည်း သူဋ္ဌေး သူကြွယ်များ ပျက်စီးမည်။တိုင်းပြည်အနှ့ဆူပူ ပုန်ကန်မှု့များမည်။ကဆုန်လ သီတင်းကျွတ်လ တပို့တွဲလ တ ပေါင်းလတို့တွင် လူတို့ရောဂါဘေးကျရောက်မည် အနာအဖျား များမည်။ယခုနှစ်မွေးဖွားသူတို့ လူချစ်လူခင်များမည်။အိမ် ထောင်ဆက်များမည်။အသက်ရှည်မည်။ကြီးပွားချမ်းသာလိမ့် မည်။ဇိမ်ခံခေတ်ပေါ်ပစ္စည်းဥစ္စာများနှင့်ပြည့်စုံလိမ့်မည်။ (ဤသည်တို့မှာ အတာစက္ခုအလိုတည်း) အခြေလေးချောင်းသတ္တဝါများ ဘေးအန္တ ရာယ်ကျရောက်ခြင်းများမည်၊အသေအပျောက်များမည်။ မြန်မာပြည်တောက်ဘက်အရပ်ဒေသများ အနောက်အရပ်သေမျာ်းခိုက်ရန်အဖြစ်များမည်။အဝတ်အထည်ဈေးတက်မည်၊ဝါဂွမ်း ချည်မျှင်စသဖြင့် ဈေးကြီးမည်။မိုးနှောင်းကာလ မိုးကောင်းမည်။ရာသီပေါ်သစ်သီးဝလံ အပျက်အဆီး များမည်။ သဘာဝဘေး၊လေဘေး မီးဘေး အဖြစ်များမည်။ရပ်ရွာသူကြီး မူးကြီး မတ်ရာဟူသမျှမကောင်း၊မင်းဆွေ မင်းမျိုးများ၊ရဟန်း လူ ပညာရှိများ မင်းစသည်တို့ ဘေးသင့်မည်။စပါး အသီးနှံ မကောင်း၊ဆား ရှားမည်။(ဤသည်တို့သည် မဟာသင်္ကြန် အလိုတည်း)။ မိုးလအခါ သီရိန္ဒြအမည်ရှိသည့် နတ်သားသည် အပြာ၊အညို၊အစိမ်း၊အမောင်းအမည်း၊အဆင်းငါး ပါးပြည့်စုံသော အဝတ်တန်ဆာကို ရတနာ၇ပါးပြီးသော ဘယက်တန်းဆာ နားဋောင်းမကိုဋ် သရဖူတို့ကိုဝတ်ဆင်ပြီး အလျှား၂ဥဿဘရှည်သည့် သန်လျှက်ကို လက်ယ်ာဘက်ဖြင့်ကိုင်ဆောင်ပြီး လက်ဝဲလက်ဖြင့်မိုဃ်းရေက်ိုဆောင်ကာ စင်္ကြာဝဠာတိုက်အလုးံနှ့စေပြီး သတ္တဝါအပေါင်းတို့ကိုကြင်နာ သနားမေတ္တာထား၍ တစ်နှစ်တစ်ကြိ်မ် ကမ္ဘာ့တန်ဆာဖြစ်သော မိုးတင်းများကို ပေးဝေထောက်ပံ့သည်မှာ လူ့ပြည်တွင် မိုးရေ သုံညတင်း၊သတ္တရဘန်တွင် တစ်တင်း၊ဟိမဝန္တာ၌ ၆တင်း၊ ကောင်းကင်တွင်၃တင်း၊သမုဒ္ဒရာ၌၄တင်း၊ဟိမဝန္တာ ကောင်းကင် သမုဒ္ဒရာစသည်တို့မိုးတင်းများသောကြောင့် ဆီးနှင်းများ အကျအကိတ်များမည်။နေရောင် လရောင် မှိုင်းမည်။မိုးချိန်း မိုးကြိုးပြစ်ခြင်း များမည်။ရေသတ္တဝါကြီးများ အသေအပျောက်များမည်(သားကြီးငါးကြီးများ)((ဤသည်တို့ကား ဗျာကယာသီ ရသေ့အလိုတည်း) မြန်မာသက္ကရာဇ်၁၃၇၈ခုနှစ်အား စိုးမိုးသောဂြိုလ်အုပ်စုတွင နှစ်ဧ၊် အရှင် ဂြိုလ်များမှာမင်းဂြိုလ်သည် ကြာသာပတေးဂြိုလ်၊(စစ်မက်ရေးရာ(ကာကွယ်ရေးစသည်)ဂြိုလ်မှာ ဗုဒ္ဓဟူးဂြိုလ်၊လယ်ယာစိက်ပျိုးရေးဂြိုလ် စနေဂြိုလ် ရာင်းဝယ် ကုန်စည် ဂြိုလ် တနင်္လာဂြိုလ်၊ကျောက်မျက် ဓာတ်သတ္တု စနေဂြိုလ်၊များဖြစ်ပြီး ပါဂြိုလ်၂လုးံ သောမဂြိုလ် ၃လုးံ တိုဖြစ်လေသည်။ တောင်သူများလာဘ်လာဘပေါများမည်။ကုလားပဲ နှမ်း၊ပဲနောက်များဈေးကောင်းမည်။ထန်းလျှက်၊နှမ်းဖတ်၊ဂျုံ ဆန်၊မြေပဲ၊သကြား၊စသည်တို့ ဈေးကောင်းမည် အထွက်တိုး မည်။အိမ်ဆောက်ပစ္စည်းများသံထည်များ ဈေးမှန်နေမည်။ စီးပွားရေးဈေးကွက်၊ငွေကြေးဖောင်းပွ ငွေကြေးဈေးကွက်အတက်အကျမကြာမကြာရုတ်တရက်ဖြစ်မည်။ ဌာနဆိုင်ရာအကြီးအကဲများ ၊ပညာရှိ ပညာရှင်များ ဘွဲ့ထူးဂုဏ်ထူးရရှိထင်ပေါ်သူများ အကြပ်အတည်းအခက်ခဲများဖြစ်ပေါ်မည်။ကမ္ဘာတောင်ဘက်ခြမ်း အေးချမ်းသာယာမည်။ကမ္ဘာအနောက်တောင်အရပ်များ လူမျိုး ရေးပဋိပက္ခ ၊သဘာဝဘေး၊စစ်ပွဲများ၊မီးဘေး ပေါက်ကွဲစေတတ်သောလက်နက်ဘေးများဖြစ်မည်။ ကမ္ဘာအရှေ့ တောင်ဒေသများ တိုးတက်ကြီးပွားမည်။ နိုင်ငံတကာခေါင်းဆောင်များ ကတိပျက် နာမည်ပျက်ကြိမ့်မည် ကျော်ဇောထင်ရှားသော ပုဂ္ဂိုလ်များ ဘေးတွေ့မည်။ မြန်မာပြည်ကျေးလက်ဒေသများ ပညရေး ကျမ်းမာရေးများတိုးတက်မည်၊အမျိုးသမီးများ အရေးပါအရာရောက်သော လုပ်ငန်းဋ္ဌာနများတွင် ဝင်ရောက်လုပ်ကိုင်ခွင့်နှင့် တာဝန်ကြီးများအောင်မြင်စွာထမ်းဆောင်ကြလိမ့်မည်။တိုင်းသူ ပြည်သားအများဆ္န္ဒများကိုတရားမျှတစွာ ဆောင်ရွက်ပေးနိုင်မည်။တောင်သူကြီးများ စီးပွားရေး လူနေမှု့စသဖြင့်အထူးတိုး တက်မည်။ရာဇဝတ်မှု့များ အထူးသဖြင့် ညှင်းပမ်းနှိတ်စက်မတရားဖမ်းဆီးစသည့်ရာဇဝတ်မှု့များ အရေးယူနိုင်လိမ့်မည် တိုင်းပြည်အတွင်းဆူပူမှု့ သဘောထားကွဲလွဲ မှု့ စသည်တို့ကြိုကြားပေါ်ပေါက်ပြီး ညိမ်းချမ်းစွာ စေ့စပ်ပြေလည်မှု့များ ရရှိမည်။စာနယ်ဇင်း သတင်းမီဒီယာလုပ်ငန်းများ တိုးတက် အဆင်ပြေမည်။ (မြန်မာပြည်၁၃၅ဆွေမျိုးများကောင်းကျိုးလိုရာပြည့်ပါစေ) (ကောင်းကျိုးလိုရာပြည့်မည့် နှစ် ဖြစ်လေတော့သည်)
Credit.. မူရင်းတင်သူ
....................
“ကူးပြောင်းခြင်း၊ပြောင်းရွှေ့ခြင်း” ဟု အဓိပ္ပာယ်ရသော ပါဠိဘာသာစကား “သင်္ကန္တ” ကို မြန်မာမှုပြု၍ “သင်္ကြန်” ဟုခေါ်ဆိုခြင်းဖြစ်သည်။နှစ်ဟောင်းမှနှစ်သစ်သို့ ကူးပြောင်းသောကာလကို “သင်္ကြန်ကာလ” ဟု ခေါ်ဆိုပါသည်။ပါဠိစကားလုံး”အန္တ” မှ ဆင်းသက်လာသော “နောက်ဆုံး” ဟု အဓိပ္ပာယ်ရသည့် အတာနှင့်တွဲဖက်ကာ “အတာသင်္ကြန်” လို့လည်း ဆိုကြပါတယ်။
မြန်မာသင်္ကြန်ကို ပုဂံခေတ်နရသီဟပတေ့မင်း လက်ထက်မှ စတင်ကျင်းပခဲ့ပါသည်။ သင်္ကြန်ကာလတွင် ရနသီဟပတေ့မင်းသည် မိဖုရားစောလုံကို လူကြားထဲတွင် အရှက်ကွဲလောက်အောင် ရေပက်နောက်ပြောင်ကျီစယ်ခဲ့သဖြင့် စောလုံမှ အဆိတ်ခပ်သတ်တဲ့အထိ ဖြစ်ခဲ့ပါသည်။အချိန်မီသိခဲ့၍ အသက်မသေခဲ့သော်လည်း မိဖုရားစောလုံကို မီးကျီခဲရဲရဲပေါ်တွင် မီးကင်သတ်စေခဲ့ပါသည်။ ဤကား သင်္ကြန်ရဲ့ကြေကွဲဖွယ်ရာဇာတ်လမ်းအစ ဖြစ်ပါသည်။
နှစ်သစ်မှာ ပျော်ရွှင်ချမ်းမြေ့စေကြောင်း ဆုတောင်းရင်းဖြင့် တစ်ဦးကိုတစ်ဦး ချစ်ကြည်ရင်းနှီးစွာ ရေပက်ကစားကြပါသည်။ ဝေဒပရောဟိတ်တို့လည်း ကြယ်တာရာ၊နက္ခတ်တို့ကို ကြည့်ရှူ့လျက် နှစ်သစ်မှာ ဖြစ်လတ္တံ့သောအရာတို့ကို ကြိုတင်ဟောကိန်းထုတ်ကြခြင်းကို “သင်္ကြန်စာ” ထုတ်ခြင်းဟု ခေါ်ပါသည်။
ယခုနှစ် မဟာသင်္ကြန်ကျချိန်သည်
၁၃၇၇ခုနှစ် နှောင်းတန်ခူးလဆန်း(၆)ရက်၊ခရစ်နှစ် ၂၀၁၆ခုနှစ် ဧပြီလ(၁၃)ရက်၊ဗုဒ္ဓဟူးနေ့ည (၁၀)နာရီ၊(၄၃)မိနစ် (၅၂)စက္ကန့် ဖြစ်ပါသည်။
မဟာသင်္ကြန်အတက်ရက်သည်
၁၃၇၇ခုနှစ် နှောင်းတန်ခူးလဆန်း(၉)ရက်၊ခရစ်နှစ် ၂၀၁၆ခုနှစ် ဧပြီလ(၁၆)ရက်၊စနေနေ့နံနက် (၂)နာရီ၊(၄၈)မိနစ်၊(၃၄)စက္ကန့် ဖြစ်ပါသည်။
ယခုနှစ်တွင် သင်္ကြန်အကြတ် (၂)ရက် ဖြစ်ပါသည်။
၁၃၇၈အတွက် ပရောဟိတ်ဦးမင်းသိန်း ကြိုတင်ဟောကိန်း
ထုတ်ထားသော သင်္ကြန်စာကို ပြန်လည်ဖော်ပြလိုက်ပါသည်။
တနင်္ဂနွေသားသမီး ။ ။ ရိုးရိုးကျင့် မြင့်မြင့်ကြံပါက အောင်မြင်အံ့။အင်္ဂါနေ့၊ကြာသပတေးဖွားသူတို့နှင့် အကျိုးပေးလတ္တံ့။အချစ်ရေး၊လူမှုရေးအရှုပ်အထွေးများကို သတိဖြင့်ရှောင်ရှားပါ။အိမ်ထောင်ရေးတွင် အမျိုးသမီးတို့အဖို့ ကံကောင်းအံ့။ပညာရေး၊အိမ်ခြံမြေ၊ဆေးပစ္စည်းလုပ်ငန်းများ အကျိုးပေးမည်။အချစ်စစ် တွေ့ကြုံအံ့။
တနင်္လာသားသမီး ။ ။ အတိုက်အခံ၊အနှောင့်အယှက် များအံ့။အစာအိမ်ရောဂါ၊အူလမ်းကြောင်းရောဂါ၊မီးယပ်၊၀မ်းဗိုက်ဝေဒနာ ဖြစ်အံ့။ရေလုပ်ငန်း၊ကျောက်မြတ်ရတနာ၊အလှကုန်လုပ်ငန်း အကျိုးပေးအံ့။မိသားစုသဘောမတူသူနှင့် အချစ်ရေးကြုံအံ့။
အင်္ဂါသားသမီး ။ ။ မာန်မာနခ၀ါချပြီး အိမ်ထောင်ရေးအရှုပ်အရှင်းကင်းကာ ကြိုးစားလျင် အောင်မြင်အံ့။ပညာရေးတွင် ထူးခြားစွာ အကျိုးပေးအံ့။စက်မှုအိုင်တီလုပ်ငန်းတွင် ကံကောင်းအံ့။ပြည်ပခရီးသွားရအံ့။သွေး၊အရိုးအကြောအဆစ်မြစ် ဝေဒနာခံစားရအံ့။တနင်္လာ၊အင်္ဂါ၊ကြာသပတေးဖွားသူများနှင့် ကံစပ်အံ့။စာပေ စာနယ်ဇင်း၊ဆက်သွယ်ရေးလုပ်ငန်း၊ကန်ထရိုက်လုပ်ငန်း အကျိုးပေးအံ့။
ဗုဒ္ဓဟူးသားသမီး ။ ။ ဤနှစ်တွင် ထူးထူးခြားခြားကံကောင်းအံ့။ရည်မှန်းချက် ပေါက်မြောက်အံ့။သတ္ထုတူးဖော်ရေး၊အ၀တ်အထည်၊မော်တော်ယာဉ်လုပ်ငန်း အကျိုးပေးအံ့။တနင်္လာနေ့၊စနေနေ့ဖွားသူများနှင့် ကံစပ်အံ့။နှလုံးသားနှင့်ဦးနှောက်လွန်ဆွဲရာတွင် နှလုံးသားက အနိုင်ယူအံ့။
ရာဟုသားသမီး ။ ။ ပတ်ဝန်းကျင်အသစ်တွင် မိတ်ဆွေအသစ်တို့နှင့် စီးပွားရေးအောင်မြင်အံ့။ကွဲကွာနေသာ မိတ်ဆွေများ ဆုံအံ့။စက်မှုလုပ်ငန်း၊ဆေးဝါးလုပ်ငန်း၊ကျောက်မြတ်ရတနာလုပ်ငန်းလုပ်ကိုင်လျင် အောင်မြင်အံ့။တနင်္လာဖွား၊သောကြာဖွားတို့နှင့် အထူးအောင်မြင်အံ့။စန်းပွင့်သောနှစ်ဖြစ်၍ ဖူးစာရှင်တွေ့လတ္တံ့။
ကြာသပတေးသားသမီး ။ ။ စီးပွားသစ်များချဲ့ထွင်ခြင်းမှ အောင်မြင်အံ့။သီလ သမာဓိပြည့်စုံသူတို့၏ ကူညီစောင့်ရှောက်ခြင်းကို ခံရလတ္တံ့။အိမ်ခြံမြေလုပ်ငန်း၊ဟိုတယ်နှင့်ခရီးသွားလာရေးလုပ်ငန်း၊သမဏိလုပ်ငန်းများ အောင်မြင်အံ့။အကြောအဆစ်ဝေဒနာ ခံစားရအံ့။သောကြာဖွား၊တနင်္ဂနွေဖွား၊အင်္ဂါဖွားများနှင့် အကျိုးပေးအံ့။အချစ်ရေးတွင် မည်သို့ပင် အခက်အခဲရှိစေ ကျော်လွှားနိုင်အံ့။
သောကြာသားသမီး ။ ။ မိသားစုအတွင်း ပဋိပက္ခဖြစ်နိုင်အံ့။ငွေရေးကြေးရေး ပူပန်ရအံ့။မိန်းကလေးများအတွက် အယုံလွယ်ခြင်းကို ရှောင်ရမည်။အဆုတ်၊နှလုံးဝေဒနာ ခံစားရအံ့။ကြာသပတေး၊စနေ၊တနင်္လာဖွားသူများနှင့် ကံကောင်းအံ့။အိမ်ခြံမြေလုပ်ငန်း၊ရုပ်ရှင်နှင့်စတူဒီယိုလုပ်ငန်း၊စားသောက်ကုန်လုပ်ငန်း အောင်မြင်အံ့။စစ်မှန်သည့်ဖူးစာရှင် တွေ့နိုင်ရန် နှလုံးသားထက် ဦးနှောက်ဆုံးဖြတ်ချက်က ပိုမှန်အံ့။
စနေသားသမီး ။ ။ ဤနှစ်တွင် ပြိုင်ဘက်များကို ကျော်လွှားပြီး စီးပွာရေးအထူးအောင်မြင်အံ့။အပေါင်းအသင်းများအပေါ်ကောင်းသလောက် မိသားစုအပေါ် အကောင်းမမြင်အံ့။အိမ်ထောင်ရေး၊လူမှုရေး အရှုပ်အထွေးများကို ဖြေရှင်းရအံ့။ဗုဒ္ဓဟူး၊သောကြာဖွားတို့နှင့် အကျိုးပေးအံ့။ရေသန့်၊ရေနှင့်ဆက်စပ်လုပ်ငန်း၊အနုပညာလုပ်ငန်းတို့တွင် အကျိုးပေးအံ့။ပြည်ပခရီးသွားရအံ့။ဝမ်းဗိုက်၊ခါး၊တင်ပါးတို့တွင် ဝေဒနာခံစားရအံ့။မိဘသဘောမတူသူနှင့် ချစ်ကျွမ်းဝင်အံ့။
No comments:
Post a Comment